Tillas n'uzal
Tillas n’Uzal
Innazwa ukabar,
Innazwa ugdud,
Ittut,
ityagas,
Ilih as assafar.
Ittukraf ugdud
Ighama gh tassast
Ilin inkraf, Dufn sul ukan,
Ggamin ad sawaln.
ilin inaghan,
xwan akal
tyassayn simi n’ismDal
ur sflden itghuyit nwazan
ura ladan nk aTtalb.
saw israd imun
saw israd dagh ilal
Wayyur adissufu igran.
Illuza uglif,
saw marad iskr tament.
illa unzar, imghid ujjig,
mac,
max, max
lligh irrur uglif ??!!
iZuZd urti aman,
iZuZd uxmmas adarunt tgjjaf
fint tiyni, tili tayafut,
mac,
Man tudart, man tumart
Man tagwmat,
Igha tswinguimt, igh tsawalt,
Bbin ak awal.
Tillas aghila ufgan,
ilih mas, ilih as gwmas,
Saw israd urrin usfan
Saw israd tili tirrugza
Timmughra, adur niksud yan
Ig ugdud yan,
Isawl f umagus
Isfaghd ankraf
Yili yan ubddad,
Ard tili tadrfit,
I mara inkraf,
Lli drnin g tillas.
08/03/2009/2959
Anaruz - Agadir
----------